ပၢင်ပိုၼ်ၽႄပိုၼ်ႉႁူႉ ဝီႇၶီႇၽီးတီးယႃးတႆးၼိူဝ်

မိူဝ်ႈဝၼ်းထိ ပီ 2025 လိူၼ်ၼူဝ်ႇဝႅမ်ႇပႃႇ 6 ဝၼ်းၼၼ်ႉ လုၵ်ႉတီႈ ၵေႃၵၢၼ်ဢၢႆႇထီႇတႆး - SIIT လႆႈၸတ်းႁဵတ်း ပၢင်ပိုၼ်ၽႄပိုၼ်ႉႁူႉ ဢၼ်ၵဵဝ်ႇၵပ်း လွင်ႈ ဝီႇၶီႇၽီးတီးယႃး တႆးၼိူဝ် ၵႃႈတီႈ ၶေႃးလဵၵ်ႉသႃႇရိပုတ်ႉတ၊ ဝဵင်းမူႇၸေႈ၊ ၸိုင်းတႆး ၼၼ်ႉယဝ်ႉ။

တီႈပၢင်ၵုမ်ၼၼ်ႉ ဢၼ်ပဵၼ် တူၼ်ၶူး ၸဝ်ႈသုၶမ်းႁဝ်း လႆႈၸတ်းႁဵတ်းပဵၼ် ၽူႈၶပ်းပၢင် သေ လႆႈမီးၶပ်းမၢႆၵႂႃႇၼင်ႇၼႆယဝ်ႉ။

1. ၽူႈၶိုၼ်ႈႁွတ်ႈပၢင်ၵုမ်ႁဝ်းၶဝ် ဢွၼ်ၵၼ် လွတ်ႁေႃးၼမေႃးတသ သၢမ်ၵမ်းသေ ပိုတ်ႇၽုၺ်ႇပၢင်ၵုမ်ၵႂႃႇ။
2. တူၼ်ၶူးလူင် ၸဝ်ႈၼႃႇရၼထ၊ ဝတ်ႉမႁႃႇဝုၼ်ႇ၊ ဝဵင်းမူႇၸေႈ ႁဝ်းၶႃႈ လႆႈမွၵ်ႇလၢတ်ႈၶေႃႈၵႂၢမ်းဢေႃးဝႃႇတ။
3. တူၼ်ၶူး ၸဝ်ႈသုၶမ်း၊ ၽူႈပူၵ်းပွင် သႃႇသၼႃႇသၼ်လွႆ ႁဝ်းၶႃႈ လႆႈ မွၵ်ႇလၢတ်ႈ သပ်းလႅင်း ႁူဝ်ႁုပ်ႈ လွင်ႈဝီႇၶီႇၽီးတီးယႃး
4. ၸၢႆးမွၼ်းၶမ်း၊ ၽူႈၼမ်းၼႂ်းၵူႈလွင်ႈလွင်ႈ၊ ၵေႃၵၢၼ်ဢၢႆႇထီႇတႆး သိုပ်ႇသပ်းလႅင်း တီႈၵႂၢင်ႈ ဢၼ်ၵဵဝ်ႇၵပ်းလူၺ်ႈ ဝီႇၶီႇၽီးတီးယႃးတႆးၼိူဝ် (လိၵ်ႈတူဝ်ယၢဝ်း)
5. ၽူႈၶိုၼ်ႈႁွတ်ႈၶဝ် ၶဝ်ႈႁူမ်ႈ ဢုပ်ႇဢူဝ်း ပၼ်တၢင်းႁၼ်ထိုင် ၵဵဝ်ႇၵပ်းလူၺ်ႈ ၼႃႈၵၢၼ်၊ ၶပ်ႉမၢႆ တႃႇႁူမ်ႈၵၼ်ႁဵတ်းသၢင်ႈ ႁႂ်ႈဝီႇၶီႇၽီးတီးယႃးတႆးၼိူဝ် သိုပ်ႇႁုၼ်ႈမုၼ်း ၶိုၼ်ႈယႂ်ႇ ၶိုပ်ႈၼႃႈၵႂႃႇ။
6. ၽူႈၶိုၼ်ႈႁွတ်ႈ ပၢင်ၵုမ် ႁူမ်ႈၵၼ်ထႆႇၶႅပ်းႁၢင်ႈမၢႆတွင်းသေ ႁုပ်ႈသိမ်း ပၢင်ၵုမ် ယဝ်ႉယႃႇလီငၢမ်း။